繼續同史友們介紹我國最新嘅考古發現，關於春秋時期嘅青銅器以至編鐘類嘅發現其實真係少之又少，要保存完整就更加難得。之不過近排山西就發現到春秋晚期卿大夫墓葬，當中唔單止搵到青銅鼎，仲有成套編鐘，今次阿史就帶大家睇一睇啦！
據山西省考古研究院進行嘅發掘工作了解，考古團隊就喺山西省洪洞縣廣勝寺鎮南秦村西南約200米搵到一處春秋時期大型貴族墓葬，墓葬所在嘅一帶更加係南秦遺址嘅一部分，喺上世紀80年代就已經發掘過一部分嘅墓葬。
而今次發掘嘅區域其實就係以四個10×10米探方發掘400餘平方米，結果就喺呢個範圍當中搵出春秋、戰國—秦、清各個時期墓葬9座，灰坑4座，而喺當中一座莊墓葬當中，就搵到兩套9件青銅鼎以及成套編鐘編磬樂器組合，呢啲發現都足以證明墓葬主人級別較高，係當時嘅卿大夫。而更加重要嘅係，呢套極為罕見嘅編鐘器型、紋飾基本一致，鐘體厚重，腔體偏長，係極伙難得嘅發現！
原圖嚟自網絡