繼續同史友們介紹一啲世界最新嘅考古發現,尋日就同大家講英國一個小朋友無意之中搵到史前巨鯊嘅遺骸,而近排喺智利嘅冰川亦都有類似嘅重大發現!
近排智利嘅古生物學家就喺巴塔哥尼亞(Patagonia)廷德爾冰川(Tyndall Glacier)第一次發現到「懷孕魚龍」化石。呢次發現嘅魚龍化石長達4公尺、體內胚胎仲要保存得相當完整,時間可以追溯到1.29億至1.39億年前。
呢具魚龍化石被古生物學家命名為Fiona,而事實上Fiona早喺2009年就已經被發現,但由於地理位置偏遠加埋天氣、地形各種因素,令到化石要出土產生唔少困難。
終於嚟到今年,古生物學團隊就用接近一個月時間先可以將化石分成5個重達200公斤嘅石塊,真係誇張!
原圖嚟自網絡