最近睇咗啲資料，就話唐代時朝廷响屯門設軍事設備，屯門之名就係咁得嚟，而响屯門置兵站原來係因為個度係進出廣州船隻會經過嘅地方。以往外地商人從海上絲綢之路去中國貿易，其中一個地點就係廣州。咁史友們又有無諗過，响船係會去廣州邊個地方上落貨呢？

呢個地方就係黃埔港，亦即係今日嘅廣州市海珠區黃埔古港。响好耐以前呢個地方係一條村，有個市集，附近地方嘅人就會嚟呢度做生意，久而久之就成為一個商業中心，慢慢就有外國人嚟呢度做買賣。據考古研究發現，早响南北朝時期呢個地方已經係有一定規模嘅商港，到咗隋唐時期就已經係中國其中一個對外貿易集中地，當地著名嘅南海神廟亦係响隋代建成。南宋至明清時期，黃埔就發展成為廣州對外貿易嘅外港。所以以前外國商船去廣州做生意，其實就係去咗呢個地方。

原圖嚟自網絡