繼續同史友們介紹我國最新嘅博物館活動，三星堆嘅文物向來都係千奇百怪，繼黃金面具、青銅神樹之後，近排竟然有一隻「機器狗」即將公展！今次阿史就同大家介紹下啦！
喺國際博物館日川渝主會場就舉辦咗一個重磅展覽「花開並蒂——巴蜀青銅文明特展」，當中就展出咗唔少三星堆出土嘅奇特青銅器。今次展覽彙集川渝兩地20幾家文博單位歷年出土嘅巴蜀文化精品，展出超過130件文物。喺眾多嘅展品當中，就有一隻「機器狗」最為觸目！
所謂嘅「機器狗」，其實就係三星堆2021年新發現文物——銅喇叭形座、銅神獸。整件嘅器物其實係呈昂首挺胸、四肢蹲伏地嘅走獸形象，雖然器物嘅後肢雙耳、尾部等處都有殘損，但巧合地就令到佢整體形態健壯有力，仲十足十一隻現代「機器狗」穿越去到古代，真係有趣！
原圖嚟自網絡