如果有史友們一直留意開抗美援朝戰爭歷史，應該都會知道喺1993年美軍就有一份解密檔案，當中就記載咗當時美軍相信志願軍軍力有83萬人，並且修築咗堅固嘅防禦工事，當中儲存嘅糧食更加足夠全軍食用八個月。之不過，就咁睇呢段文字好似又同我哋認識嘅歷史係唔同，到底當中有咩原因呢？阿史今次就同大家講一講啦！
本身以為可以喺抗美援朝戰爭當中做到「耶誕節前回家」嘅美軍，喺經歷完上甘嶺戰役之後，得知呢場戰爭唔係咁易應付。於是就採取慣用伎倆，派出特工潛入我軍內部刺探情報。結果喺1952年嘅7月，一架敵軍飛機就喺萬里德山附近派出咗佢哋嘅特工。呢個本身係韓國人嘅美國探路特工朴北時好快就被志願軍捉走並策反，為咗就係可以呃到第二批美軍特工。
結果，喺1952年9月27日，美軍一共派遣7名高級特工一落地就被志願軍包圍，好快當中一個叫做孫憲嘅特工隨即投降，負責我軍情報工作嘅丁公量唔單止得到大量美軍情報例如拎到美軍聯絡電台、武器、電報密碼，甚至仲用埋反間計迷惑美軍判斷力，上述嘅「志願軍軍力有83萬人，當中儲存嘅糧食更加足夠全軍食用八個月」呢段文字，其實就係丁公量主動向美軍釋放嘅信號，令到對方誤以為軍力有巨大差距，唔敢輕易進攻。而呢份假情報，足足呃咗美軍四十一年。
原圖嚟自網絡