尋日就同史友們介紹咗宋朝時期官員、特別係北宋嘅官員人工有幾高，咁就有史友想知到底包青天人工有幾多，咁阿史今次就同大家講一講啦！
其實呢個問題要解答真係唔容易，因為宋朝時期官員所獲得嘅唔單止係薪俸，仲有一系列服裝﹑祿粟、茶酒廚料、薪炭、鹽、隨從衣糧、馬匹等龐大嘅補助，職位愈高所得到嘅補助亦都愈多。而如果只係單純按正俸嚟計，當時宰相每個月最高可以得到三百貫，換算返就即係今時今日嘅三十萬左右；而按包青天當時最高嘅職位二品樞密副使嚟講，佢呢個二品嘅官職就可以每月得到二百貫嘅正俸,亦即係接近月薪二十萬,再加上唔同嘅補助以及配給嘅土地，人工就真係相當和味！
原圖嚟自網絡