在喺港島一帶行開公園嘅史友應該都對香港公園相當熟悉，呢個佔地面積達到8公頃嘅公園唔單止係香港旅遊景點之一，更加係唔少市民日常玩樂嘅地方。之不過，史友們又有冇諗過呢個公園係點樣嚟呢？
香港公園嘅前身其實係前域多利兵房嘅一部分，之不過去到1970年代嘅後期，由於中區可以發展嘅用地並唔多，於是駐港英軍同意於1979年3月撤出域多利軍營，等港府有用地可以重新規劃發展。
而喺駐港英軍撤出之後，大部分嘅建築就已經喺1985年至1992年間拆卸，至於軍營嘅用地就被規劃為休憩設施、政府部門等等。大部分原軍營用地成為香港公園嘅一部分，舊三軍司令官邸、前英軍副司令官邸、已婚英軍軍官宿舍等都仍然保留至今。
至於呢個曾經見證歷史嘅公園，就係喺1991年5月23日正式啟用。
原圖嚟自網絡