早排就同史友們介紹咗紀曉嵐點樣急中生智,即場為乾隆創作一道聖旨,而今次阿史繼續同大家講一講呢位清朝才子嘅故事,而今次嘅歷史故事就係關於佢點樣以「無字信」提醒貪官。
紀曉嵐其實本身有一個女,咁呢個女就嫁咗畀當時一個好有才華嘅年輕人盧蔭文,而盧蔭文嘅爺爺盧見曾亦都係朝中大員,擔任兩淮鹽運使一職。盧見曾早年係受到朝廷重用一路提拔,但喺做咗兩淮鹽運使之後就開始有貪腐行為,只係一直都未被發現。
之不過去到乾隆三十三年,當時全國就有一宗舉國震驚嘅兩淮鹽政提引征銀案,唔少鹽政官員、鹽商都牽涉在內,涉及錢財數目多達一千二十萬八百銀兩。由於喺,兩淮鹽政更替之際,新任嘅鹽政尤拔世接任上手鹽政普福之時,發現佢私藏銀兩多達十九萬,所以就引發一連串嘅調查,而紀曉嵐正正就係被乾隆派遣秘密調查嘅大臣。
而問題嚟喇,原來紀曉嵐的親家盧見曾亦都係調查對象之一。念及親情,當時紀曉嵐暗中以「無字信」,即係信入面有鹽以及茶葉通知呢位親家。當盧見曾見到呢封信之後,即時就明白朝廷今次係要嚴查以及查鹽。盧見曾即時作出應對,自己豪華府第隨即就擺上一啲寒酸物品,但呢一點根本無法暪天過海,甚至仲連累紀曉嵐一度被貶職。
原圖嚟自網絡
評論:
共0 條評論