提起清朝皇帝嘅名,相信唔少史友可能都會覺得,點解佢哋嘅取名都會用到一啲相當生僻嘅字眼?到底佢哋呢個舉動係有意定係無意呢?今次阿史就同大家講一講啦!
其實成個滿清皇朝嘅皇帝名都係以生僻字命名,其實本身佢嘅姓氏已經係相當繞口,而再加上佢哋會以生僻字命名,就令到皇帝嘅名更加難讀。而以上嘅呢一切,其實都係佢哋有意咁樣做架!
先講幾個皇帝嘅名,康熙皇帝本名為「玄燁」、雍正「胤禛」、咸豐就叫做「奕詝」,今時今日我哋都可能睇慣呢幾個名,但喺古代就算係古人都唔一定識得讀。而之所以皇帝要咁做,其實係源自於「避諱制度」。乾隆皇帝就曾經講過背後嘅用意,大概就係「與其改眾人之名,以避一人之名,莫若改一人之名,使眾無可避,較為妥善。」所以,清朝皇帝都會刻意用生僻字命名,就係為咗避免同百姓撞名!
原圖嚟自網絡