對唔少人嚟講，單身本身嚟講都已經好慘，但至少唔會算係一種罪，但呢個講法原來係要因應朝代而言，假如你係一位單身女性，咁你身處漢朝可能就已經算係犯法喇！
喺漢高祖劉邦建國之後，由於經歷連年戰亂，咁作為一個國家嘅君主自然係會想方設法增加人口。咁劉邦就先係定立一個人頭稅嘅法律，先係規定15歲以上56歲以下嘅國民無論男女都要交 120錢嘅稅，通稱為「一算」。而呢個做法去到漢惠帝六年就有啲改變喇，呢個時候漢惠帝就下頒法律，要求所有女子年十五以上至三十不嫁，佢嘅人頭稅係會直接按「五算」，計埋原本要交嘅人頭稅，一共就要畀720錢。喺當時嚟講，720錢係足以買到700幾斤糧食喇！可想而知當時呢筆「罰款」係幾沉重，估唔到單身都真係有罪！
原圖嚟自網絡