今年是香港回歸祖國25周年，1997年7月1日零時零分起，中國正式恢復對香港行使主權，香港特別行政區亦於1997年7月1日成立，可以話係中國同香港歷史一個里程碑。
對於香港人而言，回歸一詞會比較熟悉，不過响內地官方一個講法，就係恢復對香港行使主權﹐呢個講法背後其實係有段故。香港大部分地方被英國管治過百年，係源於英國通過三條不平等條約即《南京條約》、《北京條約》同《展拓香港界址專條》取得對香港嘅管治權。而响中華人民共和國成立後，中國政府一貫立場就係唔承認三條不平等條約，香港一直都係中國嘅領土，所以英國管治香港亦只係中國未能夠對香港行使主權咁解。1979年鄧小平响北京接見港督麥理浩個陣就表明：「香港主權屬於中華人民共和國，這個問題本身不能討論。」1982年响北京接見戴卓爾夫人時亦表明「主權問題是不能夠談判的」。所以，1997年七一回歸，就係祖國恢復對香港行使主權嘅大日子。
原圖：xinhua、cctv