喺上星期二，充滿港人集體回憶嘅珍寶海鮮舫就啟航離港，正當大家都以為可以後會有期嘅時候，命運往往就係充滿意外。有超過40年歷史嘅珍寶海鮮舫行駛至南海西沙群島附近水域時，就因為遇上風浪而船身入水傾側，最終沉沒南海。
已停業2年幾嘅珍寶海鮮舫，本身一直都打算轉手活化，但奈何最終都係冇「白武士」出手而需要到外地物色船塢泊位。負責航程嘅拖船公司就表示，由於事發地點水深超過1000米，就算要進行打撈工作都真係相當困難，咁意味住港人真係同珍寶海鮮舫永遠告別喇！提起珍寶海鮮舫，對阿史同唔少史友嚟講唔單止係一個中外遊客都鍾意去嘅景點，更加係盛載住唔少回憶嘅地方。
當年星爺嘅《食神》正正响那裡取景，今後大家就只能在電影裡回憶了。痛！
原圖嚟自網絡