今日今時如果提起預言家，可能唔少史友口中都可以講出一堆名，但對於呢啲預言到底係真係假，就真係每人都有唔同睇法。咁到底相傳由姜子牙留低嘅《乾坤萬年歌》對現世嘅預言又準唔準呢？阿史今次就同大家講一講啦！
《乾坤萬年歌》係我國一本預言類嘅書籍，相傳呢本書就係由商末周初軍事家、精通易經八卦嘅姜子牙所寫。雖然話就話係預言類嘅書籍，但其實當中好多地方都用上隱喻嘅詞語輕輕帶過，就好似書中第一個預言就係「天下由來不固久，二十年間不能守」，大概就係講緊好多朝代喺打下江山唔使二十年就好易會守唔住咁解。
如果睇到呢度，可能史友都會諗為，呢句說話咁概括，大家想點樣解讀都得，咁呢個時候就要再睇多幾句喇！例如書中就有「四百年來更世界，日上一曲懷毒害」就係曹操篡權、「高祖世界百餘年，雖見干戈不傷體」就係指漢高祖成皇百年後嘅世界。
雖然呢啲預言睇落都好似可以同後來嘅歷史對接多，但唔多唔少都係後人將兩者聯繫埋一齊，甚至仲有講法指呢本書籍根本唔係姜太公所作。至於《乾坤萬年歌》 對2022年呢個世代都存在預言，就係「我今只算萬年終。再復循環理無窮。知音君子詳此數。今古存亡一貫通。」
原圖嚟自網絡