「康雍乾盛世」喺清朝嚟講絕對係百姓樂業、歌舞昇平嘅時期，而要延續呢個盛世，其實每代嘅帝皇都要嚴選自己嘅繼承人先可以做到。而相傳，喺康熙、雍正、乾隆子孫三代之間就發生過一件有趣嘅故事。
相傳喺康熙年老之時，亦即係1722年嘅春天，雍正就同佢去到皇家御苑圓明園欣賞春色，而康熙自己亦都知道自己時日無多，但班皇子都面相爭位，擔心會影響到大清國運。而當時雍正係相當想得到康熙認同，於是佢就做咗一件事，就係派自己個仔向爺爺講說話。
年邁嘅康熙當然就好想見到自己個孫，而當時只有12歲嘅乾隆唔單止生得可愛，對話仲應對得宜、態度穩重，言談之間亦都表現出自己飽讀詩書，當場令到康熙放低酒杯去睇睇自己個孫。呢個舉動嘅原因其實就係乾隆令到康熙諗起自己兒時嘅模樣，甚至後來仲接佢入宮親自教導。呢個舉動唔單止成就到後來嘅乾隆，亦都令到雍正喺子嗣中脫穎而出。