相信史友們近日聽到响西沙群島海域嘅珍寶海鮮舫唔知沉咗定未沉,都覺得個消息古古怪怪,有人就話就算沉咗都可以打撈返上嚟。當然呢一刻未知珍寶現況係點,不過其實打撈一隻沉船就未必好似大家想像咁簡單。
講到打撈沉船,阿史就諗起幾個月一單新聞,就係話長江出海口個到啟動打撈長江口二號古船,呢隻沉船有乜咁巴閉呢?因為佢係現時發現體量最大嘅古代木質沉船之一。呢艘船响八年前被發現,經專家研究認定古船屬清代同治時期嘅平底沙船,古船殘長約38.5米、殘寬約7.8米,以橫向左傾約27度埋藏响5.5米深淤泥中,而古船沉响水深8至10米水域。而呢次打撈工作,就用咗世界首創的「弧形梁非接觸文物整體遷移技術」,簡單而言就係响古船底部形成一個弧形沉箱,將古船同泥沙與海水一次過「打包」上水,而呢個打撈任務估計响今年年底完成。所以,如果要打撈一隻船又唔破壞本身結構,係有相當難度。
原圖嚟自網絡