上篇阿史就同史友們講到中方代表點樣據理力爭喺英方刁難之下取返應得嘅兩秒,之不過英方當然就唔會畀回歸升旗交接儀式咁順利啦,咁到底當時負責回歸升旗禮旗手們又係點樣化險為夷呢?阿史今次就同大家講一講啦!
喺1997年6月30日,喺當時嘅香港會展內就舉行咗一場交接儀式,但點知去到23時59分48秒呢個關鍵時刻,當時英國嘅國旗就比原定時間早咗12秒降到旗杆底部,而英國嘅國歌亦都隨之而停止,喺直播嘅畫面當中就出現咗真空時間,當時電視機前億萬嘅觀眾嘅目光都聚焦喺中方嘅旗手身上。
英方國旗比原定時間早咗12秒,亦都係意味住中方五星紅旗只能喺12秒後升起,呢個狀況係從來都未試過。而負責呢次升旗禮嘅朱濤係喺儀仗隊數百人中擇優而來,而同場嘅50名嘅隊員亦都係精英中嘅精英,面對突如其來嘅情況,喺經歷過5,000次排歷之下,喺軍樂團聯絡官張景山精準計時、中方軍樂團指揮于建芳精確指揮之下,《義勇軍進行曲》最終成功喺1997年7月1日零時零分零秒響起,而香港亦都正式回到祖國懷抱。
原圖嚟自網絡