香港回歸祖國25周年，絕對係一件大事，為咗呢個大喜日子，特區政府就推出咗慶祝香港回歸25周年嘅主題曲《前》，搵嚟多位香港同內地藝人演唱，有譚校長呢啲老前輩，又有Gigi炎明熹呢啲超新星，真係夠晒睇頭。
話時話，每逢香港回歸周年嘅大年，特區政府都好似會推出一首歌慶祝一下回歸同特區政府成立，唔知史友們記唔記得呢？
响2007年，回歸十周年個陣，回歸周年主題曲就係《始終有你》，當中一句「香港始終有你」就令人好難忘。到咗2012年回歸十五周年，環球唱片旗下群星就唱咗首《難忘時刻》，呢首歌仲係當年大熱組合Mr.作曲同參與作詞，以音樂發揮正能量。到咗2017年回歸二十周年，《香港．我家》就係當年嘅回歸主題曲，當中個句「傳承著過去叫世間驚訝」阿史到依家仲記得。到咗今年，回歸周年主題曲就係《前》。
咁多首回歸周年主題曲，史友們又最鍾意邊首呢？