踏入夏天,飲一杯冰凍飲品似乎已經成為現代人必做嘅事,之不過喺古代又冇冷氣又雪櫃,古人又係點樣度一個炎熱嘅夏天呢?答案就係製冰,仲要係用熱水製冰!到底係真係假?今次阿史就同大家講一講啦!
其實喺古代,古人獲取冰塊其中一個途徑就係由冬天開始,當時古人就會喺冬天開鑿冷塊並且放入地洞冰窖當中儲存,直到夏天先至拎出嚟用。之不過,呢類嘅冷塊總會用完,咁到底仲有冇其他方法可以獲取到冷塊呢?
其實喺中國古代,古人就真係做過一樣令現今唔少物理學家都諗唔明嘅事,就係以熱水製冰喇!其實按現今嘅常識嚟思考,要令水結成冰,最基本條件就係令溫度降至0度,但喺西漢《淮南萬畢書》當中,就有提到古人製冰係「取沸湯置瓮中,密以新縑,沈中三日成冰」。就咁聽大家可能覺得好荒謬,就咁將熱水放心瓮中再置於水井就會結冰?呢一樣睇落唔成立嘅方法,現世嘅科學家就諗到其實係同「焦湯效應」有關,當氣體穿過一個多孔性物質而發生不可逆嘅絕熱膨脹之後,就會產生急劇嘅溫度變化,產生製冷效應。
理論上講就係咁講,但實際上當科學家嘗試之後,最多就只能將水降溫去到6度左右,到底係咪仲有其他細節同埋材料冇記載到?科學家們就有咁樣嘅懷疑!
原圖嚟自網絡