尋日就同史友們講到日本有位11歲男童喺散步期間意外就發現到嚟自四億年前嘅怪石，而散散下步執到重要文物嘅呢件事唔單止喺日本發現，英國一位4歲女童近排都係散步期間有啲重要發現！
近排喺英國，就有一位4歲女童喺威爾斯巴里海灘散步嘅時候，意外搵到一個奇怪嘅腳印。當時女童同埋佢屋企人並唔知道呢個腳印係屬於咩生物，於是喺事後就主動聯絡當地專家希望可以搵出答案。而喺專家查探同研究之後，就證實呢個長約10公分嘅腳印係嚟自2.2億年前嘅恐龍腳印化石。雖然可以確定腳印係嚟自恐龍，但專家就表示呢種應該係身高75公分嘅小型恐龍，只有兩條後腿可以行走並且係以狩獵小型動物及昆蟲為主，但品種暫時就未能確定到。
見到呢次咁神奇囓發現，就連威爾斯國家博物館古生物負責人都表示，呢個係海灘上有史以來發現最好嘅標本！
原圖嚟自網絡