曾經製作、導演、監製多部經典港產片嘅著名導演編劇羅啟銳尋日離世，享年69歲。
出生於香港嘅羅啟銳，1981年開始執導，响1987年憑著《秋天的童話》獲得第7屆香港電影金像獎最佳編劇獎，成為咗金牌編劇，後嚟佢唔少編劇同執導嘅電影都成為膾炙人口嘅經典電影，好似《七小福》、《八兩金》、《宋家皇朝》、《北京樂與路》等。而响2010年，由佢自身經歷改編而成嘅電影《歲月神偷》，令羅啟銳再次榮獲香港電影金像獎最佳編劇獎項，仲令上環永利街成為保育項目。