提起晚清呢段歷史，相信唔少史友都會諗起慈禧太后以及佢身邊嘅大紅人李蓮英。呢位清末慈禧時期總管太監其實真正賜名係叫做連英，後來就被民間戲稱女性化嘅「蓮英」。可能係受到唔少影視作品嘅影響，大家腦海中嘅李蓮英都係作威作福，但喺歷史上佢唔單止係忠於主子，同時亦係孝順母親，今次阿史就同大家講一講李蓮英葬母！
李蓮英自幼家貧，喺七歲之年自願入官做太監，但早年嘅生活並唔係一帆風順，喺被欺壓多年之後，直到入到長春宮伺候慈禧生活先得以改變。李蓮英喺幾年之間得到多次晉升，30歲時嘅地位唔單止同太監總管平起平坐，後來更被慈禧太后賞賜二品頂戴花翎，比原本雍正規定太監最高品級四品仲要高！
喺官中位極人臣嘅李蓮英，其實亦都係一個平凡人，當佢得知母親去世後，佢就向慈禧請示希望可以回鄉為母親安葬。得知此事後，慈禧唔單止特許佢回鄉，仲足足賞賜咗四十八萬兩畀佢安葬母親。
李蓮英隨即就召集鄉村入面嘅人，擬定出一個花費五十五萬兩白銀嘅安葬清單，唔單止為母親用上最好嘅棺木、陪葬品，甚至仲喺家中門口擺起流水席，早午晚三餐供應，足足擺足三十五日，有份弔唁嘅人離開時仲可以拎走白米，排場真係十足！
原圖嚟自網絡