繼續同史友們介紹一啲有趣嘅考古奇案，漢代嘅錢幣如果出現喺唐代嘅墓當中，雖然係罕見但都合乎常理，之不過如果阿史同大家講，漢墓當中竟然離奇出現唐代銅錢，唔知史友們又信唔信呢？而呢件事真係確實發生喺重慶「土寨子墓地」！
重慶「土寨子墓地」嘅考古工作早喺2020年開始，而近日重慶市文物考古研究院就公布咗一系列嘅考古成果。呢塊墓地其實係喺居民進行土地平整之時意外發現，當局接受進行搶救性發掘之下，就一共清理出12座漢代古墓，當中唔單止有合計接近70件嘅陶器、琉璃器等等，而且仲有3枚唐代「開元通寶」！
冇錯，史友們並冇睇錯，正正就係唐代「開元通寶」！之不過點解唐代嘅銅錢會出現喺漢代嘅墓當中呢？呢度就有兩個可能嘅原因，其一可能就係呢十二座墓穴都喺唐宋年間被盜墓賊盜竊過，呢一點並唔難理解。而另一個大家都估唔到嘅原因，就係呢啲墓穴可能係喺唐代時期被當時嘅人借葬，亦即係長江三峽地區後人重覆利用前人墓葬再埋葬嘅習俗，而銅錢極有可能就係當時嘅人所留低，真係估佢唔到！
原圖嚟自網絡