無論你係偉人定係平凡人,都總係無法逃過一個命運,就係人終有一死,離去嘅一日總會到嚟。咁到底半生享盡權力、榮華富貴嘅慈禧太后,人生最後嘅一日又係點樣過呢?
雖然慈禧身位太后,位於清朝嘅權力顛峰,想盡辦法想令自己可以長生不老,但死亡總係向佢走近,而佢自己亦都深知呢一日會到來,所以一早已經準備好陵墓。時間去到1908年,喺慈禧離世前嘅一日,光緒帝就喺中南海瀛台被砒霜毒死,至於係何人毒殺佢,史學家就一直冇定案。但就有推論係指,慈禧得知自己死期將至,生怕光緒一旦有實權後,會對自己陵墓不利,於是狠下殺手,但真相係點已經冇人知喇!
喺慈禧離世前一日,佢第一件做嘅事就係處理光緒嘅後事、確立末代皇帝溥儀作為國君。同時,佢亦都頒佈懿旨,等溥儀親生父親做攝政王,將大清交畀佢哋。然後,佢亦下達命令唔再畀女人、宦官干政,呢啲動作亦都表明佢深知自己在位期間為大清帶嚟嘅遺害。
喺處理完呢啲國事後,自覺圓滿嘅慈禧就咁含上夜明珠離開咗人世,佢最後嘅一日就係咁樣過喇!
原圖嚟自網絡