話說今日海洋公園就傳嚟一個令到全港市民都相當擔心嘅消息，就係今年已經35歲嘅大熊貓「安安」出現食慾不振，甚至已經連續兩個星期冇再同公眾見面，所以園方就希望大家可以一齊為「安安」集氣，不少網民就分析，「安安」很可能已經病危了。
對於「安安」同「佳佳」呢對大熊貓，相信港人對佢哋都係充滿感情！事關「安安」同埋「佳佳」其實係一齊喺1999年嚟到香港，而之所以會一齊嚟，全因為當時中央為咗慶祝香港特區成立兩週年，而特意為香港準備呢份禮物。「佳佳」就曾經喺2012年、2015年分別入選「全球在圈養環境下現存最長壽雌性大貓熊」、「最長壽圈養大貓熊」，但好可惜喺2016年已經38歲嘅佳佳就因為身體狀況變差而需要接受「安樂死」，只係陪伴到港人17年。
而時間嚟到今時今日，35歲嘅大熊貓「安安」就已經相當於人類105歲，同時亦都係全球人類照顧下最長壽嘅雄性大熊貓。阿史最記得每次入到海洋公園，都會第一時間去探下呢對「老朋友」，今次真係要為你集氣祝福啊！「安安」你要快啲好返啊！
原圖嚟自網絡