估唔到今早一起身上網,見到就係一個令人傷心嘅消息,就係陪伴香港人廿十三年嘅熊貓安安,離開咗我哋,享年35歲。
熊貓安安係响1986年出世,原本住响臥龍自然保護區。响1999年就嚟咗香港生活,係中央政府送給香港特區嘅禮物,而佢同另一隻雌性熊貓佳佳就一直生活响香港海洋公園。由於安安同佳佳係第一批响香港生活嘅熊貓,所以多年嚟深受香港人同海外遊客歡迎,亦成為香港海洋公園其中一對「鎮園之寶」。而响2017年,31歲嘅安安就成為全球人類照顧下最長壽嘅雄性大熊貓。不過近年都不時傳出安安身體狀況不佳嘅消息,而海洋公園同漁農自然護理署嘅獸醫响徵詢中國大熊貓保護研究中心後,基於動物福祉理由,最終今朝以安樂死方式令安安免於痛苦。
安安享年35歲,等同於人類105歲高齡,係全球喺人類照顧下最長壽嘅雄性大熊貓。
安安,多謝你陪伴我哋廿幾年,香港人永遠都會懷念你。
原圖嚟自網絡