响清代新安八景當中，有幾個景都同水有關。响香港嘅鼇洋甘瀑就同瀑布有關，而玉勒湯湖就同溫泉有關。
可能史友們都奇怪，珠江三角洲都有溫泉？其實呢珠三角地區溫泉都唔少，中山有，廣州有，東莞有，深圳都有，而玉勒湯湖就係响依家深圳石岩湖畔著名嘅玉律溫泉。呢個溫泉早响明代典籍有所記載，好似明代編修嘅《東莞縣志》有載：「湯泉在黃金洞之北，藥勒玉勒村前。鄉人以為烹潭之所。」由此可見，呢個溫泉早响明代已經相當有名。
今時今日，呢個新安八景中嘅溫泉就成為石岩湖溫泉度假村，溫泉源頭就係來自玉律溫泉。
原圖嚟自網絡