之前阿史介紹咗新安八景嘅南沙龍穴島「龍穴樓台」，珠江口河面上有片霧霞令龍穴島猶如仙島。呢個島原來除咗係昔日新安八景之一外，仲有一個著名景點，就係張保仔洞喇！
史友們可能會覺得奇怪，張保仔洞唔係响長洲咩？其實呢位清代著名海盜，同佢有關嘅地方又點止長洲一個小島，而龍穴島就係其中一處話有張保仔出沒過嘅地方。呢個張保仔洞係响龍穴島銅鼓山腳，相傳以前响水漲時，啲船可以駛入洞內，所以好容易就將財寶送入洞內，成為藏寶之地。當然！呢啲都只係傳說，後世人亦無响洞內發現過任何寶藏。如果以後史友有機會去龍穴島，不妨去張保仔洞睇睇。
原圖嚟自網絡