喺悠久嘅中國歷史上，其實係發生過唔少皇帝嘅兄弟發起叛亂奪取皇位嘅事件，「王爺」作為一個特殊嘅群體唔單止身份尊貴，並且擁有極大嘅權力，所以喺歷朝歷代帝皇都會為呢個群體下達好多規定同埋限制，就係為咗可以防止佢哋做反，而喺明朝，其中一個規定就係唔畀王爺進京喇！
喺朱元璋建立明朝之後，深知道自己打下江山付出咗唔少血汗，生性多疑嘅佢唔單止將所有有機會危害到朱氏江山嘅人通通除去，並且仲諗咗以下嘅規定：朱元璋先係將自己嘅仔分封到各地，等佢哋可以坐鎮一方保護京師安全，但與此同時佢又驚呢啲藩王權力過大，所以就規定唔畀佢哋隨意進入京城，只有每三年先至可以進入京城一次，以免佢哋勾結朝中大臣。
唔單止咁，佢同時亦都禁止藩王之間互相聯絡，就連各自進京嘅時間都刻意錯開，諗就真係諗到好周到！之不過，去到朱允炆即位實行削藩之時，都仍然係畀燕王朱棣造反成功，奪取到皇位。亦都係因為朱棣係以呢種方式稱帝，在此之後佢就真係進一步削減藩王權力，先至令到呢類造反停止落嚟。
原圖嚟自網絡