最近因為美國眾議院議長到佩洛西竄訪台灣,搞到兩岸關係好緊張,相信兩岸人民都唔係太想見到咁嘅局面,始終兩岸和平得來不易。
兩岸分治超過半個世紀,以往關係非常緊張,而兩岸關係回暖其中一個里程碑,就係1993年舉行嘅汪辜會談。响1993年4月27號至29號期間,內地嘅海峽兩岸關係協會會長汪道涵同台灣嘅海峽交流基金會董事長辜振甫,喺新加坡海皇大廈會面。當時雙方仲簽署《兩岸公證書查證協議》、《兩岸掛號函件查詢補償事宜協議》、《兩會聯繫與會談制度協議》及《汪辜會談共同協議》四項事務性協議。呢次會談亦確認兩岸日後會加強經濟交流,促進兩岸各方面交流。
其實早响汪辜會談舉行前,海協會同海基會响1992年已經响香港就兩岸事務性商談,雙方更就如何表述堅持一個中國原則進行討論,最終經過兩岸雙方授權,兩會通過香港工作性商談同此後互致函電達成「海峽兩岸均堅持一個中國的原則」的共識,後嚟被稱為「九二共識」。「九二共識」嘅核心要義就係「海峽兩岸同屬一個中國,共同努力謀求國家統一」。
所以話,「汪辜會談」同「九二共識」對兩岸和平關係係有重要嘅象徵意義。
原圖:xinhua