講到日本強佔台灣管治半個世紀呢段歷史，史友們都應該聽過「皇民化」政策，而呢個政策荼毒之深仲影響咗唔少台灣同胞。
所謂「皇民化」政策，就係日本响二戰戰敗前對佔領地其中一種管治方式，將呢啲地方原本文化消滅，植根日本文化，而台灣就係其中一個受「皇民化」政策影響最深嘅地區。其實日本响十九世紀末佔領台灣後已進行日本化嘅殖民管治，包括响台灣住民分等級，到咗上世紀二三十年代島內已經有部分台灣人思想行為都同日本人無異。到咗1936年，日本在台嘅政府就推行「皇民化」政策，包括以日語為「國語」、改著和服、迫台灣島民放棄原來信仰改信日本神道教等，後嚟甚至推行廢漢姓改日本姓名嘅措施。當時嘅台灣同胞被威迫之下，被迫改咗一個日本名，對傳統上講求「行不改名，坐不改姓」嘅中國人而言心中就有住無限痛苦，有唔少老一輩台胞講過呢個係一世嘅陰影。因為佢哋無奈被迫改個日本姓有辱祖宗外，响當時台島內佢哋始終都係次等公民。
原圖嚟自網絡