今日係8月6日，係日本廣島原子彈爆炸嘅77周年。喺呢個特殊嘅日子，廣島市和平公園就舉行咗一場紀念儀式，當中除咗有多國代表參加之外，亦都有原爆倖存者、罹難者家屬出席儀式。作為真正領悟過原子彈威力嘅國家，日相岸田文雄致詞時就直言，「動用核武的悲慘災禍絕不能重演」。咁到底呢次原爆有幾咁慘烈呢？阿史今次就同大家講一講！
喺第二次世界大戰末期，美軍對日本多個重點工業城市進行燃燒彈大轟炸，日本本土唔少工業設施已經被摧毀，幾十萬人亦都葬身火海，但咁樣都唔能夠令到日軍投降。為咗終結戰爭以及震懾其他國家，當時美國總統杜魯門就下令喺1945年8月6日上午8時15分對廣島投下原子彈，人類歷史上第一場核武器空襲就係咁樣發生！
喺原子彈爆炸過後，廣島市就有超過7萬人直接因為熱輻射以及衝擊波直接死亡，直接1950年因為癌症以及其他長期併發症死亡嘅就有20萬，而相關統計去到2019年就計算到死亡人數達到32萬，真係相當恐怖！
對於美軍呢次行為，有人認為係「終止戰爭的必要之惡」，亦都有人認為係大量殺害平民嘅表現，違反人道，唔知史友們又點睇呢？
原圖嚟自網絡