提到上世紀三十年代嘅「霧社事件」,成為咗日本殖民管治台灣期間其中一場最殘酷鎮壓原住民嘅戰役。每當提到「霧社事件」,第一位會被提起嘅人物就係莫那魯道,另外兩位就係花岡一郎同花岡二郎。
花岡一郎同花岡二郎係當時日本响台灣管治中理蕃政策下一個「產物」,佢哋二人本身係原住民,因為二人响學習同體育方面好有潛質,於是獲破例入讀原本只有日本小朋友就讀嘅學校,後嚟佢哋就返咗去霧社當上警察同蕃童教育所教師。由於佢哋接受日式現代教育,加上响學校表現優異,因此成為咗日本理蕃政策原住民嘅樣板人物,仲獲得日本姓氏,就係花岡一郎同花岡二郎。
不過,响1930年原住民賽德克族領袖莫那魯道起事,花岡一郎同花岡二郎處境就非常尷尬,一方面唔願意見日軍鎮壓同族原住民,另一方面又接受唔到族人殺害日本平民,正宗左右不是人,最終二人選擇咗自殺。
講多樣嘢,花岡一郎同花岡二郎係無血緣關係。
原圖嚟自網絡