繼續同史友們介紹我國最新嘅考古發現，要喺黃土高原進行考古發掘工作本身就已經充滿難度，但作為中華文明探源工程嘅重要項目，自然就要排除萬難咁去進行。近日，考古團隊就終於喺黃土高原北部、毛烏素沙地南緣嘅石峁遺址有重大發現！
近日考古團隊就喺石峁遺址核心區域「皇城台」嘅大台基護牆上搵到一個大型人面石雕！呢座石雕所在之處就係被鑲砌於皇城台大台基西南角，整體係呈圓弧形，石雕之上就係呈現兩個人面浮雕。兩個人面保存狀況良好，唔單止清楚呈現到頭戴冠飾、耳璫，甚至仲有雙目突出、闊嘴呲牙嘅神情，真係相當難得！
陝西神木石峁遺址主體為距今約4000年嘅石砌城址，係我國現階段發掘到最大嘅史前城址，極有可能係夏朝早期遺存。據以往嘅發掘經驗，呢類石雕都係會有三個人面，兩個人面係屬於少見。據考古人員推斷，石雕上東側人面嘅人面其實就係可能就係石峁先民嘅王嘅形象，對了解石峁人精神信仰關聯有極大嘅研究價值！
原圖嚟自網絡