早排阿史就同史友們講咗唔少關於溥儀嘅故事，佢嘅一生好多時候都係身不由己，做皇帝嘅時候係咁，做偽滿洲國傀儡嘅時候亦都如是。之不過，雖然係身為傀儡皇帝，但當佢聽到日軍打算炸毀長城之時，竟然唔怕得罪日軍親身出手調停？到底當中有咩原因呢？阿史今次就同大家講一講啦！
要知道喺「九一八事變」後，日軍好快就侵佔中國東北全境，而為咗可以侵佔到全個中國，佢哋下一步就將目標設立喺華北地區。而日軍要實現到呢個計劃，就必需要進攻山海關先可以越過萬里長城。喺經歷過三日三夜苦戰後，作為守軍嘅何柱國最終都係不敵日軍而戰敗。
喺日軍成功侵佔到山海關後，就開始分兵進犯長城各大防線；至於抗日隊伍亦都利用長城作為據點，同進攻嘅日軍纏鬥接近三個月。為咗打破呢個死局，侵華日軍本來打算集結飛機大炮炸毀長城。但點知，當時已經係偽滿洲國皇帝嘅溥儀得知呢個消息後，就寫咗一封有八個字嘅信畀日軍高官，內容就係「長城若毀，共榮必敗」。
聽到呢度之後，日軍認為溥儀係有佢嘅道理，亦都擔心若然長城被炸毀，會引嚟全國百姓反抗，最終先至取消呢個計劃。
原圖嚟自網絡