南宋忠臣文天祥响廣東被元軍俘虜後，曾經經過伶汀洋就寫咗《過零丁洋》嘅七言律詩，「人生自古誰無死，留取丹心照汗青。」仲成為咗千古名句。除咗呢首詩外，原來文天祥同珠三角一帶仲有相當淵源，不過就應該算係佢死後之事。
响廣東珠三角地區包括香港在內，都有文氏族人聚居生活。例如寶安文氏，據講佢哋先祖就係文天祥之文壁，所以佢哋奉文天祥為始伯祖，文天壁就被奉為始祖。文天壁本身係惠州太守，後嚟為保文氏血脈開城降元，而佢個仔就過繼俾文天祥個支以延續血脈，後嚟文氏族人就响依家東莞一帶開枝散葉，東莞嘅文氏宗祠成為當地文氏族人供奉文天祥嘅地方。
至於香港新界文氏，相傳佢哋先祖就係文天瑞，佢係文天祥堂弟，後嚟隨宋廷入粵，長子文應麟之後响海南島落地生根。到咗明代時文氏其中兩房族人就分响元朗新田同大埔泰亨一帶開村，慢慢成為新界五大族之一。而响新田一帶，就有一個文天祥紀念公園，以紀念文氏族人呢位著名先祖。
原圖嚟自網絡