早排就同史友們介紹過明朝嘅官員唔同級別分別有咩薪酬同埋福利，有史友就想阿史介紹埋清朝官員嘅待遇，咁就當然冇問題啦！咁今次就同史友們講一講喺清朝做一個「正一品」官員到底有咩待遇啦！
要知道清朝嘅官吏等級制度其實相當嚴謹，整體嚟講係分為九品，而每一品當中又會分為「正品」以及「從品」，可以話係相當講究。而結果要講到「正一品」官員，大概就有太師、太傅、太保、領侍衛內大臣、掌鑾儀衛事大臣等等嘅職位先算係。
既然有咗咁明確嘅分級制度，其實每品嘅官員待遇亦都會唔同。據清史記錄，喺清朝國庫財政仍然正常之時，正一品嘅官員一年俸祿係達到一百八十兩銀，再加上「恩俸」、俸祿十倍以上嘅「養廉銀」以及各地官吏超越官府俸祿嘅「饋贈」，「正一品」清朝官員收入甚至可以達到數以萬兩銀，真係相當和味！唔單止咁，呢筆俸祿即使喺官員告老還鄉之後，都仍然可以領取，真係相當巴閉！
原圖蹳自網絡