繼續同史友們介紹世界各地最新嘅考古發現，唔知史友們又有冇幻想過，自己今時今日喺海灘留低嘅一個腳印，係有機會成為幾千年、甚至萬年之後嘅人類研究嘅對象呢？近排呢件事真係喺美國發生！
美國近排就有考古學研究人員喺一個沙漠發現到冰河時期狩獵者所留低嘅腳印！據了解，呢個位於美國西部猶他州沙漠之中嘅乾涸河床當中，就有88個人類腳印化石被發現，而之所以發現呢堆腳印，其實只係因為研究人員喺發掘完其他化石搭車離開嘅時候意外見到，真係神奇！
而據研究人員進一步調查，就發現呢大大小小嘅88個腳印係分別由成人以及兒童所留低,，連同以往發現嘅石器、煙草、鳥類遺骨等等，考古人員基本上可以斷定肖肖尼人（Shoshone）曾經喺1萬3000年前持續喺呢個地區生存！
原圖嚟自網絡