喺日本戰敗投降紀念日前夕,今日就有消息傳出,就係曾經兩次前往我國領土釣魚台宣示主權嘅「啟豐2號」原來已經喺早前沉沒喺香港海底。
據保釣行動委員會表示,由於「啟豐2號」多年都冇出過海,加上日久失修、船身老化以及曾經受到2018年風暴山竹嚴重破壞等情況下,最終都係不幸沉沒。提起「啟豐2號」呢個名,其實就喺2006年由保釣行動委員會主席羅堪就購入,並且喺2006年、2012年兩次搭載保釣人士前往釣魚台,而喺購入船隻後,其實「啟豐2號」每年都會到釣魚台宣示主權,但基於安全理由並唔係每次都能成功出海,喺2009年仲被頒禁制令禁止離開香港海域。
喺2006年嘅行動當中,「啟豐2號」就曾經被超過20艘日本艦艇包圍。日本艦艇發射高壓水炮,及5次撞擊船隻。而喺2012年嘅呢次行動當中,更加成功令到7名保釣人士可以成功登島,當年真係轟動一時!
原圖嚟自網絡