今日係8月15日,亦係日本無條件投降嘅紀念日。隨著日本投降,第二次世界大戰正式結束。不過史友們應該記得抗戰勝利紀念日就係9月3日,咁點解唔係8月15日呢?
1945年9月3日,當時國民政府就下令舉國慶祝,並從1946年起將9月3日作為抗戰勝利紀念日。而到咗1951年8月13日,中華人民共和國政務院發布通告,規定9月3日為抗日戰爭勝利紀念日。至於點解訂响9月3日呢個日子,其實係因為日本同包括中國在內嘅同盟國成員响東京灣密蘇里號戰艦上正式簽署無條件投降書,有咗呢份投降書先正式代表日本投降,亦代表同盟國各國承認同接受日本投降。所以,抗戰勝利日唔係日本宣佈無條件投降嘅8月15日,就係咁解喇!
原圖嚟自網絡