喺歷朝歷代，皇帝嘅後宮都有三千佳麗，當中極少數正係喺宮女之中飛上枝頭當鳳凰。亦都係因為有呢啲微乎其微嘅機會，令到唔少家貧而需要入宮嘅宮女有咗一種盼望。
之不過，唔知史友們又知唔知道，其實喺溥儀頒布退位詔書之後，由於無法再支付龐大開銷，最終就決定主動以每人100大洋嘅方式遣散大量宮女、太監。但係，明明官女喺宮中工作能力、言行舉止都係一流，但係點解出到宮後反而冇人敢娶？
其實宮女作為宮中最底層嘅奴僕，入到宮中自己要謹言慎行，由於生活相當壓抑，有苦亦都唔敢講出嚟。長期咁樣生活，自不然就會「積鬱成疾，形成血瘀」，甚至影響生育能力，正常嘅男子係唔敢娶。而且，當時老百姓都認為宮女都喺宮中侍奉過皇帝，絕唔會係清白之身，所以清末宮女最後嘅下場都係淪落風塵又或者去大戶人家做丫鬟，只有少數先可以成功嫁人。
原圖嚟自網絡