港人前赴東南亞嘅安全問題近日引起網民唔少關注，喺12年前嘅今日，亦都發生咗一宗响東南亞發生、牽涉多名港人嘅慘劇，係無數香港人都會感到傷痛嘅日子。
2010年8月23日，被革除嘅菲律賓國家警察前高級督察門多薩响馬尼拉強行登上一輛香港旅行團嘅旅遊巴士，挾持咗車上25位人質，要求菲律賓政府恢復佢嘅職務。雖然過程中佢先後放咗9名人質，事件持續十小時後，最終都係演變成門多薩同警方嘅槍戰。
最終，15名人質當中就有7人受傷、8人死亡，呢宗馬尼拉人質慘劇，亦成為無數香港人不能磨滅嘅傷痛。
原圖嚟自網絡