唔知史友們有冇睇過《額爾古納河右岸》，喺呢本茅盾文學獎獲獎小說當中，就描繪咗東北少數民族鄂溫克族最後女酋長嘅生活，而其實呢部長篇小說主人公嘅原型係真實存在架！
呢部小說嘅主人公正正就係號稱「中國最後一位女酋長」嘅瑪麗亞·索，而呢位老人家近日亦都因為年歲已高，身體各項機能逐漸衰竭，喺8月20日就喺自己最愛嘅馴鹿身邊離世，享年101歲。
瑪麗亞·索生於1921年，身為鄂溫克族嘅佢畢生都同族人生活喺位於環北極地區泰加林帶最南端嘅山林，喺佢丈夫去世後，佢就成為中國最後一支使鹿部落裏嘅女酋長，帶領族人固守山林發展馴鹿產業，深受當地人民嘅尊重。
原圖嚟自網絡