蓮藕呢樣植物相信史友們都應該會食過，而响粵菜當中唔少菜色都會用上蓮藕，好似用蓮藕煲湯，或者煎蓮藕餅，都係相當美味。唔知史友們又知唔知，响離香港唔係好遠嘅南沙，就出產遠近馳名嘅「藕王」。
阿史講緊嘅就係新墾蓮藕。呢款已列入中國地理標誌產品嘅蓮藕，係出產於萬頃沙鎮新墾地區。據當地農業負責人所講，新墾所在地以前係一片汪洋大海，圍墾後嘅地方因為處於鹹淡水交界，因此土壤中嘅肥料充足，令到當地出產嘅蓮藕品質特別優良，亦因而成為珠三角地區馳名嘅「藕王」。
除咗新墾蓮藕，南沙一帶仲有好多馳名土產，下次再講。
原圖嚟自網絡