喺南沙呢個咁近我哋嘅地方，除咗有阿史上次介紹嘅虎門炮台睇之外，其實仲有一個南沙古建築代表黃閣蓮溪古建群值得大家參觀！
如果提到南沙歷史最悠久嘅建築，可能唔少史友都會諗起陳家祠，但其實今次阿史要介紹嘅黃閣蓮溪古建群，當中嘅歷史可以追溯到九百年前！南沙區黃閣鎮除咗以「麒麟舞」享有盛譽，喺黃閣鎮蓮溪村亦都有一座可以追溯到宋朝嘅麥氏宗祠。麥氏宗祠有住悠久歷史，喺廣州四大名祠中位居第三，同時亦係廣州地區現存最老的宗祠。麥氏宗祠連同繼宗麥公祠、瑞輝麥公祠組成古建一條街，面積足足達到2000幾平方米，同類嘅規模甚至喺廣州都係相當罕見！
雖然經過九百幾年時光，但麥氏大宗祠仍然保留唔少古色古香嘅部分，就好似數百年不腐朽嘅樑柱、琉璃瓦、龍舟脊等等，入內仲可以見到麒麟頭以及景泰藍畫嘅工藝，真係一場「文化盛宴」！
原圖嚟自網絡