相信史友們都知道，廣東人做雞有特別多嘅方法，而廣東省各地又真係好多名雞（以前就包括埋海南文昌雞）。今次阿史就想介紹一款雞，都真係幾特別。
呢款就係南沙嘅葵花雞，呢款雞其實唔係一種特別品種嘅雞，但响珠三角一帶就相當有名，而且價格亦唔平。呢款雞特色係好肉之餘，雞皮黃、皮脆、骨黃、骨脆、脂肪少，食起上嚟鮮而不膩。其實呢款雞最特別之處，就係因為佢哋食嘅飼料並唔係普通飼料，而是用葵花、葵葉、葵花籽同粟米混成嘅飼料，甚至有啲農場會以葵花汁餵雞。嘩！咁似傳聞神戶牛會飲啤酒同按摩嘅？
原圖嚟自網絡