繼續同史友們介紹一啲關於古代打仗時嘅冷知識,其實每逢改朝換代、又或者發生內亂嘅時候,每個國家都必定會重大嘅戰役發生,亦都有無數嘅人喺戰場上失去生命。咁到底龐大數量嘅屍體喺戰場上堆積又會點樣處理呢?阿史今次就同大家講一講啦!
其實呢個問題無論喺古代定還是現代,都係一個極度難處理嘅問題,一旦屍體堆積得太長時間,仲可能會有傳染病發生,咁喺古代就會有以下幾個方處理。其一,亦都係最常見嘅掩埋法,顧名思義就係喺戰場上掩一個大坑,簡單直接將所有屍體堆晒入去再鋪上泥土,而呢個工序一般都係由戰敗方嘅俘虜完成。
除此之外,其實仲有火葬法、直接棄屍荒野嘅做法,但如果對敵人恨之入骨、又或者想彰顯戰功,亦都會有「築京觀」嘅手段,就係喺道路兩旁鋪滿敵軍嘅屍體,並且堆成一個巨大嘅金字塔形,諗起都覺得相當恐怖!
原圖嚟自網絡