早排就同史友們介紹完古代嘅宮女每日到底有咩做，今次就當然係要介紹埋古代太監嘅日常工作啦！
雖然喺唔少影視作品當中，太監嘅主要工作都係伺候皇上、後宮嬪妃，但具體嚟講佢哋每日又要做啲乜呢？要解答呢個問題，其實就要由太監到底係咩人開始講起！咁組成太監嘅人口除咗有古代最窮嘅人又或者罪犯家屬之外，其實戰俘以及藩屬國進貢嘅人口都係太監人數嘅來源之一。
最簡單嚟講，太監日常基本嘅工作真係負責皇宮當中嘅髒亂工作，照顧皇室成員嘅日常生活，假如佢哋係負責照顧皇上，就要由皇宮衛生、皇帝御用之物以及冠冕、袍服、靴襪等都要一一管理。
但假如係喺東漢、唐朝年間地位較高嘅太監，由於佢哋都係皇帝身邊親近嘅人，無法脫離政治，所以喺早年太監係可以公開參政，甚至仲可以去尚書省工作、同大臣一同參加朝會，真係估佢唔到！
原圖嚟自網絡