尋日就同史友們介紹到點解古代男人娶妻多數都係十三、十四歲嘅少女，而關於古代人娶妻嘅一啲風氣，其實仲有一點值得同大家討論，就係喺古代原來表哥娶表妹都係相當盛行嘅一件事。
其實嚟到現代，近親結婚呢件事係被明文禁止，其中一個原因就係因為好容易會有不良基因、甚至畸型嘅胎兒出世。咁到底點解喺古代又會流行起呢種習俗呢？其實古代之所以會盛行近親結婚，其中一個原因係因為「血統」。喺古代嘅達官貴人，特別係皇族就最看重自己嘅血統，假如同其他家族結婚，自己家族嘅血統自然就會變得唔純正，所以為咗保護「血統」，同非親屬結婚先至係被禁止嘅一項。
雖然話就話係近親可以通婚，但呢種「親」並唔係真係咁親。喺古代所允許嘅近親通婚其實只限表親，即係表哥、表姐、表妹、表弟以至一啲遠房親戚呢幾種關係，親兄妹、堂親係唔能夠結婚。咁所以，即使古代流行表哥娶表妹都好，由於血緣關係相當淡薄，所以並唔會對後代造成咩不良影響！
原圖嚟自網絡