就喺尋日,社交平台上就傳出一個令唔少網球迷震驚嘅消息,就係41歲嘅網球前世界「一哥」費達拿(Roger Federer)正式宣佈「掛拍」。
呢位瑞士嘅網球天王24年嘅職業生涯當中一共勝出過1251場單打、奪得20項大滿貫並且取得103項錦標。而最犀利嘅係,佢仲曾經5次成為世界排名第一嘅球手,相信呢啲事跡都係唔少球迷心中嘅威水史。之不過,近年費達拿就受到膝傷以及手術嘅挑戰,體能面對極限,今年已經冇參加過任何賽事,所以就作出呢個決定。
下星期倫敦舉行由歐洲隊與世界隊角逐嘅利華盃賽事,就將會係費達拿嘅告別戰,一個時代亦都將會終結。
原圖嚟自網絡