關於古生物嘅身體結構，特別係心臟等軟組織內臟，其實一直以嚟都係唔少科學家想探秘嘅事物，但要完整地喺幾億年前保存落嚟，就真係難上加難。之不過，近日喺澳洲地層就有意外嘅發現！
近日科學家就喺澳洲金伯利地區菲茨羅伊鎮附近土層搵到盾皮魚（Placoderms）化石，經過化驗以及研究後，就證實呢件化石距今已經有3.8億年。據科學家推測，化石所有之處原本應該係一個珊瑚礁，但精彩嘅地方係化石內部竟然完整保存到腸、胃、肝臟等器官，就連心臟都被完整保留落嚟，所以又堪稱係「最古老心臟」。
科學家就表示，心臟呢類軟組織要保存本來就唔容易，而且呢次嘅化石形狀相當立體，有助大家了解脊椎動物歷史以及軟體器官結構變化。
原圖嚟自網絡